Næstkomandi laugardag, þann 21. janúar, ætlum við að fjölmenna í könnurleiðangur í sjóinn til að kanna aðstæður og skyggni. Áfangastaður verður ákveðinn eftir því sem nær dregur, en stefnt er á að fara í Garðinn eða Óttastaði. Fylgist með!

Í Landanum í Ríkissjónvarpinu var fjallað um Sykurskipið sem sökk í Skerjafirði í janúar 1941. Í þættinum fylgjumst við með Einari Magnúsi Magnússyni, kafara og kvikmyndagerðamanni, og Sveini H. Guðmarssyni, sjónvarpsmanni kanna þetta frábæra flak. Smellið hér til að horfa á þáttinn.

Hér fyrir neðan má hlýða á gríðarlega áhugaverðan útvarpsþátt þar sem fjallað er um þýska hellakafarann Jochen Hasenmayer. Í þættinum er umfjöllun um þennan merkilega mann, viðtöl við Hasenmayer og fleiri og frumsamin tónlist og náttúruhljóð sem skapa ævintýralegan blæ í þessum frábæra þætti.

Jochen Hasenmayer - A story of a cave diving legend by Murtomaa

Í dag varð kafari fyrir minniháttar óhappi við köfun í Silfru og þótti öruggast að flytja viðkomandi í afþrýstiklefann á Landspítalanum. Líkurnar á köfunarveiki voru mögulega til staðar og því var ákveðið að taka enga áhættu en að öðru leyti varð kafarinn ekki fyrir neinum skaða.

Sportkafarafélagið fagnar því að ekki fór verr, en vill minna félagsmenn og aðra kafara á það að gæta alltaf fyllsta öryggis við köfun.

Á hressari nótum má þess til gamans geta að árshátíð SKFÍ fór fram í gær. Þar komu saman félagsmenn, gamlir sem nýir, héldu daginn hátíðlegan og skemmtu sér og öðrum. Við viljum þakka fyrir skemmtilegt kvöld og vonum að þau verði fleiri :)