|
Sportkafarafélaginu barst póstur í dag
frá Reykjavíkurborg og inniheldur eftirfarandi:
"Áætluð er tenging nýs Flugvallarvegar við eldri hluta vegarins. Nauðsynlegt verður að fjarlæga slitlag núverandi vegar, grafa fyrir nýjum veitulögnum og aðlaga hæðarlegu eldri veghluta að nýjum. Jafnframt verða gönguleiðir beggja vegna Flugvallavegar gengt Hertz bílaleigu og Flugbjörgunarsveit Reykjavíkur endurnýjaðar.
Vegna ofangreindra framkvæmda verður Flugvallarvegi lokað frá kl.10.00 þriðjudaginn 6. apríl til föstudagsins 16. apríl við gatnamót Nauthólsvegar að sunnan og við nyrðri lóðamörk Hertz bílaleigu að norðan.
Frá Bústaðavegi verður óskert aðgengi að Keiluhöllinni og Atlantsolíu. Opið verður fyrir staðbundna umferð að lóð Hertz bílaleigu og Flugbjörgunarsveitar Reykjavíkur.
Á framkvæmdartímanum verða settar upp vinnustaðamerkingar við Bústaðarveg, Flugvallarveg og Nauthólsveg eins og fram koma á meðfylgjandi teikningum.
Rétt er að taka fram að í neyðartilvikum er greiðfært fyrir útkallstæki um gamla Flugvallarveginn sunnanverðan frá Nauthólsvegi að Flugbjörgunarsveit Reykjavíkur og Hertz bílaleigu, en sú leið verður ekki opin almennri umferð.
Hér að neðan eru símanúmer, framkvæmdareftirlits og verktakans:
Framkvæmdareftirlit - Einar K. Stefánsson : 660-9970
Verktakar Magni ehf - Sölvi Jónsson : 660-6100
Með kveðju,
Ólafur Ólafsson
Deildarstjóri framkvæmda við umferðarmannvirki
Þetta netfang er varið fyrir ruslpósti, þú þarft að hafa Javascript virkt til að skoða það
Símar, 441-8103, 693-2525
Reykjavíkurborg - Framkvæmdar- og eignasvið
Skrifstofa mannvirkjagerðar
Borgartúni 12-14, 4. hæð vestur, 105 Reykjavík."
Kveðja,
Stjórnin.
|
